ކައުންސިލްގެ މަސްއޫލިއްޔަތުތަކާއި ބާރުތައް:

(ހ) ޤާނޫނުއަސާސީއާއި ޤާނޫނައި އެއްގޮތްވާ ގޮތުގެ މަތިން ރަށް ހިންގައި، ރަށް ތަރައްޤީކޮށް، ރަށްވެހިކަމުގެ ޚިދުމަތްތައް ދިނުން.

(ށ) ޤައުމީ ތަރައްޤީގެ ޕްލޭނާ އެއްގޮތްވާ ގޮތުގެމަތިން ރައްޔިޔުންގެ ބައިވެރިވުމާއެކު ރަށުގެ ތަރައްޤީގެ ޕްލޭން އެކުލަވާލައި، ރަށުގެ ތަރައްޤީގެ ޕްލޭން ސަރުކާރުގެ ކަމާބެހޭ އިދާރާއަށް ފޮނުވައި، އަތޮޅު ކައުންސިލާ ހިއްސާކުރުން އަދި ލޭންޑް ޔޫސް ޕްލޭން ފާސްކުރުމަށް ސަރުކާރުގެ ކަމާބެހޭ އިދާރާއަށް ފޮނުވުން.

(ނ) ރަށުގެ ކައުންސިލުން އެކުލަވާލައި އަތޮޅު ކައުންސިލަށް ފޮނުވާ ތަރައްޤިގެ ޕްލޭނަށް ރިޢާޔަތްކުރެވިގެން ސަރުކާރުން އެކަށައަޅާ މަޝްރޫޢުތަކުގެ ތެރެއިން ރަށު ކައުންސިލުން ތަންފީޛުކުރުމަށް ރަށު ކައުންސިލާ ސަރުކާރުން ޙަވާލުކުރާ ތަރައްޤީގެ މަޝްރޫޢުތައް މި ޤާނޫނާގައިވާ ގޮތުގެމަތިން ތަންފީޛުކުރުން

(ރ) ތަރައްޤީގެ އެކިއެކި މަޝްރޫޢުތައް ހިނގާނުހިނގާގޮތް ބެލުމުގައި ސަރުކާރުގެ މިނިސްޓްރީތަކަކާއި އަތޮޅު ކައުންސިލަށް އެހީތެރިވެދީ، ތަރައްޤީގެ މަޝްރޫޢުތައް ތަންފީޛުކުރުމުގައި އަތޮޅު ކައުންސިލަށް ޖަވާބުދާރީވެ، މިނިސްޓްރީތަކުންނާއި އަތޮޅު ކައުންސިލުން ކަނޑައަޅާ ގޮތަކަށް ގަވާއިދުން ރިޕޯޓު ހުށަހެޅުން

(ބ) އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މަޝްވަރާއާއެކު، މި ޤާނޫނުގެ ދަށުން ރަށު ކައުންސިލަށް ލިބިދީފައިވާ ބާރާއި މަސްއޫލިއްޔަތު އަދާކުރުމަށްޓަކައި ރަށު ފެންވަރުގައި އެކަށައަޅަންޖެހޭ ސިޔާސަތުތައް އެކަށައަޅައި، އެއާގުޅޭ ގަވާއިދު ހަދައި ހިންގުން.

(ޅ) މި ޤާނޫނުގެ ދަށުން ރަށު ކައުންސިލަށް ލިބިދީފައިވާ ބާރާއި މަސްއޫލިއްޔަތު އަދާކުރުމަށްޓަކައި ރަށު ރައްތިޔުންގެ ނަމުގައި ނިންމަންޖެހޭ ކަންކަން ނިންމުން

(ކ) ރަށު ރައްތިޔުންގެ މާލިއްޔަތާއި އެންމެހައި ވަސީލަތްތައް ބެލެހެއްޓުން

(އ) ދިވެހިރާއްޖޭގެ ބިމާބެހޭ ޤާނޫނާއި އެހެނިހެން ޤާނޫނުތަކާ އެއްގޮތްވާ ގޮތުގެމަތިން އިޤްތިޞާދީ ނުވަތަ އިޖްތިމާޢީ ބޭޏުންތަކަށް ކައުންސިލްގެ ނަމުގައި ބިންބިމާއި ފަރާއި ފަޅު ހޯދުމާއި މިލްކުކުރުމާއި އަދި މިފަދަ ތަންތަން އެހެން ފަރާތްތަކަށް ކުއްޔަށްދޫކުރުމާއި އަދި މިފަދަ ތަންތަނުގައި އިންވެސްޓްކުރުމާއި މިފަދަ އިންވެސްޓްމަންޓްތައް ކައުންސިލްގެ ނަމުގައި މިލްކުރުން

(ވ) ކައުންސިލްގެ އިޚްތިޞާޞްގައި ހިމެނޭ ބިމާއި، ސަރުކާރުގެ ކަމާބެހޭ އިދާރާތަކުން ކައުންސިލާ ޙަވާލުކުރާ އެނޫންވެސް ބިން، ދިވެހިރާއްޖޭގެ ބިމާބެހޭ ޤާނޫނާއި ކަމާބެހޭ އެނޫންވެސް ޤާނޫނުތަކުގައި ރަށުގެ ލޭންޑް ޔޫސް ޕްލޭނާ އެއްގޮތްވާ ގޮތުގެމަތިން ބޭނުންކުރުމާއި ކުއްޔަށް ދޫކުރުމާއި ދިނުން.

(މ) އިޤަތިޞާދީ ނުވަތަ އިޖްތިމާޢީ ބޭނުންތަކަށް ކައުންސިލްގެ ނަމުގައި އުފުލޭ އަދި ނުއުފުލޭ މުދާ ހޯދުމާއި މިލްކުރުމާއި ކައުންސިލްގެ ބެލުމުގެ ދަށުގައިހުންނަ މިފަދަ ތަކެތި، މިޤާނޫނުގެ ދަށުން ހެދޭ ގަވާއިދުގައިވާ ގޮތުގެ މަތިން، އެހެންފަރާތް ފަރާތަށް ކުއްޔަށް ދިނުމާއި ދޫކުރުން.

(ފ) ތަރައްޤީގެ ޙަރަކާތްތައް ހިންގުމަށް ބޭޏުންވާ ފައިސާ ހޯދުމަށް ޤާނޫނުގައި ކަނޑައަޅާފައިވާ ޙުދޫދުގެ ތެރޭގައި މާލީ އިދާރާތަކުން ދަރަންޏަށް ފައިސާ ނެގުމާއި އެފަދަ ދަރިނިތަކުގެ ޙިމާޔަތެއްގެ ގޮތުގައި ކައުންސިލްގެ އެކިއެކި މާލީ ޙަޢްޤުތަކާއި މަސްލަޙަތުތަކާއި މިލްކިއްޔާތުތައް ދަރަނި ދޫކުރާފަރާތްތަކަށް ހުށަހެޅުމާއި ތަފާތު އެކި ކަންކަމަށް ފަންޑު އުފެއްދުން.

(ދ) ކައުންސިލްގެ މެންބަރުން ބަދަލުވާ ޙާލަތްތަކުގައާއި ކައުންސިލްގެ ނަން ބަދުލުވާ ޙާލަތްތަކުގައި ކުރީގެ ކައުންސިލުން ކޮށްފައިވާ ކަންކަމަށް ޒިންމާ އުފުލުން

(ތ) ކައުންސިލުން ދޭ ޚިދުމަތްތަކާއި ކައުންސިލް މެދުވެރިވެގެން ދޭ ޚިދިމަތްތަކަށް މި ޤާނޫނުގެ ދަށުން ހެދޭ ގަވާއިދާ އެއްގޮތްވާ ގޮތުގެމަތިން ފީ ކަނޑައެޅުމާއި ފީނެގުން.

(ލ) މީހުންގެ އަމިއްލަ ބިންތަކާއި މުދާ ޢާންމު ބޭނުމަކަށްޓަކައި ކޮންމެހެން ނަގަންޖެހިއްޖެނަމަ ޤާނޫނާ އެއްގޮތްވާ ގޮތުގެމަތިން ޢަދުލުވެރި ބަދަލު ދިނުމަށްފަހު އެފަދަ ތަންތަން ނެގުން

(ގ) ކައުންސިލްގެ ބެލުމުގެ ދަށުން ޚިދުމަތް ދެވޭ ތަންތަނާއި ކައުންސިލްގެ އުޅަނދުފަހަރާއި ރަށުގެ މަގުތަކާއި، ޕާކު ފަދަ ޢާންމު ތަންތަނަށް ނަން ދިނުމާއި ނަން ބަދަލުކުރުން.

(ޏ) ރަށުގެ މަގާޢި ޕާކުތަކާއި މައިދާން ފަދަ ތަންތަން ވަގުތީގޮތުން ނުވަތަ ދާއިމީގޮތުން ހުޅުވުމާއި ބަންދުކުރުން

(ސ) ރަށުގައި ހުންނަ ދައުލަތުގެ މުއައްސަސާތަކާއި ސަރުކާރުގެ އިދާރާތަކަށް ބޭނުންވާނޭ އެހީތެރިކަމާއި އެއްބާރުލުން ދިނުން

(ޑ) މި ޤާނޫނުގައި ބުނެފައިވާ ރިޕޯޓްތައް ފޮނުވަންޖެހޭ ފަރާތްތަކަށް ފޮނުވުން

(ޒ) ކައުންސިލަށް ނިސްބަތްވާ ސިއްކަ ސަރުކާރުގެ ކަމާބެހޭ އިދާރާގައި ރަޖިސްޓްރީކުރުމަށްފަހު ބޭނުންކުރުން

(ޓ) ދިވެހިރާއްޖޭގެ ޤާނޫނުތަކާ އެއްގޮތްވާ ގޮތުގެމަތިން ކައުންސިލްގެ އިޚްތިޞާޞްގެ ތެރޭގައި ހިމެނޭ ފަރާއި، ފަޅުފަދަ ޤުދުރަތީ ވަސީލަތްތަކުގެ ބޭނުން ހެޔޮގޮތުގައި ހިފައި، އެތަންތަން ބެލެހެއްޓުން.

(ޔ) ރަށުގައި އަމާން އަދި ޞުލްޙަވެރި ވެއްޓެއް ޤާއިމްކުރުމަށްޓަކައި ފުލުހުންނާ ގުޅިގެން ކުރެވެންހުރި އެންމެހައި ކަންކަން ކުރުން

(ޕ) ކައުންސިލްގެ އިޚްތިޞާޞްގެ ތެރޭގައި ހިމެނޭ ސަރަޙައްދުގައި ނުވަތަ ކައުންސިލަށް އިޚްތިޞާޞް ލިބިފައިނުވި ނަމަވެސް ކައުންސިލުން ބެލެހެއްޓުމަށް ޙަވާލުކޮށްފައިވާ ސަރަޙައްދެއްގައި އެއްވެސް ފަރާތަކުން ޤާނޫނާ ޚިލާފު ޢަމަލެއް ކޮށްފި ކަމަށް ތުހުމަތުކުރެވޭނަމަ، ކަމާބެހޭ އިދާރާއަށް އެކަމެއް ރިޕޯޓުކުރުން.

(ޖ) ރަށު ކައުންސިލްގެ އިދާރާ ހިންގުން.

(ޗ) ޤާނޫނަކުން ކަނޑައަޅާ މިނޫންވެސް ކަންކަން ކުރުން.

(ހހ) ޤައުމީ ތަރައްޤީގެ އޮނިގަނޑު އެކުލަވާލުމުގައި ސަރުކާރުގެ ވުޒާރާތަކަށް ދޭންވާ އެހީތެރިކަމާއި އެއްބާރުލުން ދިނުން.

(ހށ) މި ޤާނޫނުގައި ބަޔާންކޮށްފައިވާ ގޮތުގެ މަތިން ފާސްކުރާ ލޭންޑް ޔޫސް ޕްލޭނާއި ކައުންސިލްތަކުން އެކުލަވާލާ އެ ރަށެއްގެ ތަރައްޤީގެ ޕްލޭނާ އެއްގޮތްވާ ގޮތުގެމަތިން އެ ރަށެއްގެ ބިން ބޭނުންކުރުން.

(ހނ) ޤައުމީ ތަރައްޤީގެ ޕްލޭނާ އެއްގޮތްވާ ގޮތުގެމަތިން، އަގުގެ ގޮތުން 5 (ފަހެއް) މިލިއަން ރުފިޔާއަށްވުރެ ދަށުގެ ޕީ.އެސް.އައި.ޕީ މަޝްރޫޢުތައް ނުވަތަ ޤައުމީ އިދާރާތަކުން މިޤާނޫނުގެ 69 ވަނަ މައްދާގެ (ހ) އަދި (ށ)ގެ ދަށުން ކަނޑައަޅާ ޕީ.އެސް.އައި.ޕީ މަޝްރޫޢުތައް ހިންގުމާއި، ސަރުކާރުން ހިންގާ ތަރައްޤީގެ މަޝްރޫޢުތައް ބަލަހައްޓައި، އެ މަޝްރޫޢުތައް ހިނގަމުންދާގޮތް ސަރުކާރުން ކަނޑައަޅާ ތާވަލަކާ އެއްގޮތަށް ސަރުކާރަށް އަންގަމުން ގެންދިއުން.

(ހރ) ރަށު ފެންވަރުގައި ކައުންސިލުން ދޭންޖެހޭ ޚިދުމަތްތައް ފޯރުކޮށް ދިނުމަށްޓަކައި، ޤާނޫނުތަކާއި ގަވާއިދުތަކާ އެއްގޮތްވާ ގޮތުގެމަތިން އެކި ފަރާތްތަކާއެކު އެގްރީމަންޓްކޮށް ވިޔަފާރީގެ މުޢާމަލާތްކުރުން.

(ހބ) ރަށުގައި މަސައްކަތްކުރަމުންދާ ބިދޭސީންގެ މަޢުލޫމާތު އެއްކޮށް، އެ ބިދޭސީންގެ ދަފްތަރު އެކުލަވާލައި ބަލަހައްޓައި، އަޅަންޖެހޭ ފިޔަވަޅުތައް ޤައުމީ އިދާރާއާ ގުޅިގެން އަޅައި، އަހަރަކު އެއްފަހަރު ކަމާގުޅޭ އިދާރާއަށް ރިޕޯޓް ފޮނުވުން.

(ހޅ) ރަށުގައި ރަށްވެހިވެފައިވާ މީހުންގެ ތެރެއިން ޚާއްޞަ ރައްކާތެރިކަން ފޯރުކޮށްދޭންޖެހޭ ފަރާތްތަކުގެ ގޮތުގައި ރަޖިސްޓްރީ ކޮށްފައިވާ ފަރާތްތަކުގެ ޙާލަތު އެނގޭނެ ދަފްތަރެއް އެކުލަވާލައި، ކޮންމެ 4 މަހުން 1 މަހު އެފަރާތްތަކަށް ޒިޔާރަތްކޮށް ޙާލަތު ބަލައި، ކަމާބެހޭ ޤައުމީ އިދާރާތަކަށް ރިޕޯޓުކުރުން.

(ހކ) ކައުންސިލް ހިންގުމަށް ބޭނުންވާ ސިޔާސަތުތަކާއި އުޞޫލުތަކާއި ގަވާއިދުތައް ފާސްކުރުން.

(ހއ) ކައުންސިލްގެ މަޤްޞަދުތައް ޙާޞިލްކުރުމަށް ނިންމާ ނިންމުންތަކާއި ހިންގާ ޙަރަކާތްތައް ހިންގާނުހިނގާ ގޮތް ބަލައި، ރަނގަޅުކުރަންޖެހޭ ކަންކަން ރަގަނޅުކުރުމަށް މަސައްކަތްކުރުން.

(ހވ) ދައުލަތުގެ މުއައްސަސާތަކާއި ސަރުކާރުގެ އިދާރާތަކާއި އެކިއެކި ޖަމްޢިއްޔާތަކާއި ޖަމާޢަތްތަކާއި ކައުންސިލާ ދެމެދު ގުޅުން ޤާއިމުކުރުން.

 

އިދާރީ އޮނިގަނޑު 2025 

 

ކައުންސިލަރުންގެ ޒިންމާތަކާއި މަސްއޫލިއްޔަތު

އެޑްމިނިސްޓްރޭޝަން:       ކައުންސިލްގެ ރައީސް އަލްފާޟިލް ޢަލީ ސަމީޙް

1. ކައުންސިލަށް ބޭނުންވާ ތަރައްޤީ ގެނައުމާއި، ކައުންސިލްގެ އިދާރާ ހިންގުން.
2. ޖަލްސާތަކާއި ބައްދަލުވުންތައް ބޭއްވުމަށް، ރިޔާސަތު ބެލެހެއްޓުން.
3. ކައުންސިލް އިދާރާގެ މުވައްޒަފުން ޒިންމާދާރު ކުރުވުން.
4. ކައުންސިލްގެ އިދާރާ ހިންގުމާއި، އިދާރި ހިންގުން ހަރުދަނާކުރުމާއި ގުޅޭގޮތުން، އިދާރީ އޮނިގަނޑަށް ގެންނަންޖެހޭ އެންމެހާ އިސްލާޙުތަކެއް ގެނައުން.
5. ކައުންސިލްގެ ނިންމުންތައް ތަންފީޒު ކުރުމާއި، ޢާއްމުކުރުން.
6. ރައްޔިތުންގެ ބައްދަލުވުންތައް ކައުންސިލްގެ މަޝްވަރާގެމަތިން ރާވާ ކުރިއަށްގެންދިއުން.
7. ކައުންސިލް ދައުރުގެ 3 އަހަރުގެ ތާވަލް އެކުލަވާ މަސައްކަތުގެ ޕްލޭން ފުރިހަމަކޮށް މަސައްކަތް ހިނގާ ނުހިގާގޮތް ބަލަމުން ގެންދިއުން.
8. ކައުންސިލްގެ އެންމެހާ ރިޕޯޓްތައް ތައްޔާރުކުރުވާ ފޮނުވަންޖެހޭ ފަރާތްތަކަށް ފޮނުވުނުކަން ޔަޤީންކުރުން.
9. ކައުންސިލްގެ އިދާރާގެ މުވައްޒަފުންގެ މަސައްކަތްތައް ހަލުވި ކުރުމަށް ބޭނުންވާ ގޮތަށް، ޒިންމާދާރުގެ ވެރިޔާއާއި ގުޅިގެން މަސައްކަތުގެ މަސްޢޫލިއްޔަތައް ހަމަޖެއްސުން.

 

ބަޖެޓް، ޕްރޮޖެކްޓްސް އެންޑް ޕްލޭނިންގ:     ނައިބު ރައީސް އަލްފާޟިލް ޙުސައިން ނާޡިމް

1. ކައުންސިލްގެ ކުރިއަށް އޮންނަ އަހަރުގެ ބަޖެޓް ހިނގާ އަހަރުގެ ޖުލައި 31 ގެ ކުރިން ނިންމާ ފާސްކޮށް ފޮނުވުން.
2. ކައުންސިލްގެ 3 އަހަރުގެ ފައިނޭންޝިއަލް ޕްލޭން ތައްޔާރުކުރުން.
3. މާލިއްޔަތު ޤަވާޢިދާއި އެއްގޮތަށް ކައުންސިލްގެ ފައިސާގެ ޚަރަދު ތަކާއި ހިސާބުތައް ބެލެހެއްޓުން.
4. އާބާދީ، ސިއްޙަތު، ތަޢުލީމީ، އަދި ވިޔަފާރި އާއި އިޤްތުޞާދު ގެ ދާއިރާތަކާއި ގުޅޭ ތަފާސް ހިސާބުތައް ހޯދުމާއި ދަފްތަރު ބެލެހެއްޓުމާއި އާންމުކުރުން.
5. ކައުންސިލްގެ އާމްދަނީގެ ހިސާބުތައް މަހުން މަހަށް ބަލެހެއްޓުން.
6. ބިޑް އަދި އެސްޓިމޭޓްތައް ކައުންސިލްގެ ބިޑް އިވެލުއޭޝަން ކޮމެޓީން ނިންމާގޮތަށް، އެފަރާތްތަކާއި ހަވާލުކުރުން.
7. އަންހެނުން ތަރައްޤީއަށް މަސައްކަތްކުރާ ކޮމެޓީތައް ވިލަރެސްކުރުމާއި، އެހީތެރިވެ ދިނުމާއި، އަދި ކައުންސިލްގެ މަޝްވަރާއާއި އެކު ކޮމެޓީއަށް ބޭނުންވާ ލަފާދިނުން.
8. ފަޤީރުންނާއި މިސްކީނުންގެ ލިސްޓް ބެލެހެއްޓުމާއި، މުދަލުޒަކާތާއި އަދި ފިޠުރު ޒަކާތުގެ ކަންކަން ބެލެހެއްޓުން.
9. ތަރައްޤިގެ ޕްލޭ އެކުލަވާލުމާއި އަދި ކޮންމެ އަހަރެއްގައި ޕްލޭން ގެންނަންޖެހޭ ބަދަލުތައް ގެނައުން.
10. ރަށުގެ ލޭންޑް ޔޫސް ޕްލޭންތައްޔާރު ކުރުމާއި އާންމު ކުރުމާއި އަދި ލޭންޑް ޔޫސް ޕްލޭންއަށް ގެންނަންޖެހޭ އެންމެހާ ބަދަލުތައް ގެނައުން.
11. ސިއްޙީ، ތަޢުލީމީ، އިޤްތުޞާދީ، އަދި އިޖުތިމާޢީ ދާއިރާތަކުން ތަފާތު ތަރައްޤީގެ ޕްރޮޖެކްޓްތައް ލިޔެ ތައްޔާރުކޮށް ކައުންސިލްއަށް ފޮނުވުން.
12. ކައުންސިލްގެ އާމްދަނީ އިތުރުކުރުމުގެ ގޮތުންނާއި ރަށުގެ ތަރައްޤީއަށް ބޭނުންވާ ކަންތައްތައް ކުރުމަށް އިންވެސްޓަރުން ހޯދުމާއި އަދި ރަށުގެ ޝަޢުޤުވެރިކަން އިތުރުކުރުމަށް ކުރަން ބޭނުންވާ ކަންތައްތައް ކުރުން.
13. ޕުރީސްކޫލް ހިންގުމާއި ހަރުދަނާކުރުން.

 

މުނިސިޕަލް ސާރވިސަސް:         މެންބަރު އަލްފާޟިލް އަޙްމަދު ޒަނީމް

1. ރަށުގައި ވިޔަފާރި ކުރުމަށް ހުރި ފުރުޞަތުތައް ހޯދާ ވިޔަފާރިވެރިން ރަށުގައި ވިޔަފާރި ކުރިއެރުވުމަށް ބޭނުންވާ ކަންތައްތައް ހޯދާ އެކިފަރާތްތަކުގެ އެހީގައި މަސައްކަތް ކުރުން.
2. ކުދިއަދި މެދުފަންތީގެ ވިޔަފާރިތައް ތަރައްޤީ ކުރުމަށް ބޭނުންވާ ފައިސާއާއި ލޯނުގެ އެހީތެރިކަން ހޯދާދެވޭގެ ގޮތްތައް ޤާއިމުކުރުމަށް މަސައްކަތްކުރުން.
3. ރަށުގައި އުފެއްދުންތެރިކަން އިތުރުކުރުމަށް މަސައްކަތް ކުރުން.
4. ރަށުގައި އެކަށީގެންވާގޮތަށް ކުނި މެނޭޖުކޮށް ބެލެހެއްޓުން.
5. ރަށުގެ ރަށްޔިތުންނަށާއި، ބަނދަރަށް ސާފުބޯފެން ފޯރުކޮށްދިނުން.

 

ސޯޝަލް ސާރވިސަސް:     މެންބަރު އަލްފާޟިލާ ފަރަޙަ އާދަމް

1. ސިއްޙީ، ތަޢުލީމީ، އިޤްތިޞާދީ، އަދި އިޖުތިމާޢީ ދާއިރާތަކުން، އަންހެނުން ބާރުވެރި ކުރުވުމުގެ ޕްރޮގްރާމްތައް ހިންގާ އެފަދަ ކަންތައްތަކާއި ގުޅޭ މައުލޫމާތުތައް އާންމުކުރުން.
2. ޢާންމު އިޖުތިމާޢީ އެއްބައިވަންތަކަން ދެމެހެއްޓުމަށް އިތުރުކުރަންޖެހޭ މަސައްކަތްތައް ކުރުން.
3. ކުޅިވަރުޕާކުތަކާއި ކުޅިވަރު ކުޅޭބިންތައް ދެމެހެއްޓެނިވިގޮތެއްގައި ބެލެހެއްޓުމާއި، ތަރައްޤީކުރުމަށް ބޭނުންވާ މަސައްކަތްތައް ކުރުން.
4. އާންމުކޮށް ފާހަގަކުރާ މުނާސަބާތަކާއި އަދި ކައުންސިލުން ފާހަގަކުރުމަށް ފާސްކުރާ މުނާސަބާތައް ފާހަގަކުރުން.
5. ރައްޔިތުންނަށް ދުޅަހެޔޮ ސިއްޙަތެއް ހޯދައިދިނުމަށް ހިންގޭ ހޭލުންތެރިކުރުމުގެ ޕްރޮގްރާމްތައް ރާވާ ހިންގުން.
6. ކުލަބް ޖަމުއިއްޔާ ޖަމާޢަތްތަކަށް އެހީތެރިވެދިނުމާއި، އެފަރާތްތަކުގެ ބައިވެރިވުން، ކައުންސިލުން ހިންގާހަރަކާތްތަކުގައި އިތުރުކުރުވުމާއި، އަދި ކުލަބް ޖަމުއިއްޔާ ޖަމާޢަތްތަކުގެ ހިންގުން ހަރުދަނާކުރުމަށް މަސައްކަތްކޮށްދިނުން.

 

އިކޮނޮމިކް ސާރވިސަސް:     މެންބަރު އަލްފާޟިލާ ޢަހުދާ ޚާލިދު

1. އިޖުތިމާޢީ ސަރައްދުތަކުގެ ސާފުތާޙިރުކަމާއި، ރައްކާތެރިކަން ބެލެހެއްޓުން.
2. ރަށުގެ ޤަބުރުސްތާނާއި، ދޮޅިދާންގެއާއި، މިސްކިތްތަށް ބަލަހައްޓާ އެތަންތަނުގެ އާބާތުރަ ފިލުވުން.
3. ދިވެހިރާއްޖޭގެ ޤާނުނާއި ޤަވާޢިދުތަކާއި އެއްގޮތްވާގޮތުގެމަތިން މަގުމަތީގެ ރައްކާތެރިކަން ކަށަވަރު ކޮށްދިނުން.
4. ގޯތި ދޫކުރުމާއި، ކަނޑާއި އެއްގަމު އުޅަނދުގެ ރަޖިސްޓްރީކޮށް ދިނުމާއި، ހުއްދަތަށް ދޫކުރުން.
5. މީހުން ދިރުއުޅޭ ރަށްރަށުގައި ރުއްގަސް އިންދުމާއި ބެހޭ ޤާނޫނާއި އެއްގޮތަށް ރުއްގަހުގެ މައްސަލަތައް ބެލެހެއްޓުން.
6. ރަށުގައި އެކަށީގެންވާގޮތަށް ކުނި މެނޭޖުކޮށް ބެލެހެއްޓުން.
7. ރަށުގެ ރަށްޔިތުންނަށާއި، ބަނދަރަށް ސާފުބޯފެން ފޯރުކޮށްދިނުން.
8. ޢާއްމު ޤަވައިދު ތަކުގައިވާ ފީ ނުވަތަ ކުލި ނެގުމާއި ތަންފީޒުކުރުން.