މި ކޮމިޓީއިން އިސްނަގައިގެން ދަރަވަންދޫގެ އަންހެން ބޭފުޅުންނަށް ޚާއްޞަކޮށްގެން “ހަށިހެޔޮ، ދުޅަހެޔޮ” ނަމުގައި 3 ހަފުތާގެ މޫދު ކަސްރަތު ޕްރޮގްރާމެއް ހިންގައިފިއެވެ.
އެމްއެންޑީއެފް ނޮދާން ރީޖަނަލް ކޮމާންޑްގެ އިންސްޓަކްޓަރުންގެ އެހީގައި ހިންގުނު މި ޕްރޮގްރާމްގައި 58 ފަރާތެއް ބައިވެރިވެފައިވެއެވެ. އޮކްޓޯބަރު 10 ގައި ފެށުނު މި ޕްރޮގްރާމަކީ މިއަހަރުގެ މަސައްކަތު ތާވަލުގައި ހިމެނިގެން ކުރިއަށް ގެންދެވުނު ޕްރޮގްރާމެކެވެ. ދެ ދަންފަޅިއަޅަށް ބަހާލައިގެން ކުރިއަށް ގެންދެވުނު ޕްރޮގްރާމުން ދުޅަހެޔޮ ދިރިއުޅަކަށް ބޭނުންވާނެ ތަފާތު ގިނަ ކަންތައްތަކެއް ދަސްވެގެން ދިޔަކަމަށް ބައިވެރިންގެ މަޢުލޫމާތު ދީފައިވެއެވެ.
މި ފަދަ ގިނަ ޕްރޮގްރާމްތައް ކުރިމަގުގައި ހިންގުމަކީ އަންހެނުންގެ ކޮމިޓީގެ އަމާޒެއްކަމަށާއި މި ޕްރޮގްރާމް ހިންގަވާ ދެއްވިކަމަށްޓަކައި އެމްއެންޑީއެފްގެ ނޮދާން ރީޖަނަލް ކޮމާންޑްގެ އިސް ބޭފުޅުންނަށް ޝުކުރު ދަންނަވާކަމަށް ކޮމިޓީގެ ރައީސް ނާއިދާ ޙަސަންފުޅު ދެންނެވިއެވެ.
