ރަށް ރަށުގެ ކައުންސިލްތަކުން ރަށުގެ ތަރައްގީއަށް ކުރަމުންދާ ކަންކަމާއި ރައްޔިތުންނަށް ފޯރުކޮށްދެމުންދާ ޚިދުމަތްތައް ގާތުން ބަލައި ތަޖުރިބާ ހޯދުމަށް މާލެ އަތޮޅު ކާށިދޫ ކައުންސިލްގެ ފަރާތުން ނޮވެންބަރު 9 ން 11 ށް ބ އަތޮޅުގެ ބައެއް ރަށްރަށަށް ކުރަމުންދާ ދަތުރުގެ ފުރަތަމަ މަންޒިލެއްގެ ގޮތުން ދަރަވަންދޫއަށް ޒިޔާރަތްކޮށްފިއެވެ.
ކާށީދޫ ކައުންސިލްގެ ޓީމަށް މަރުޙަބާ ދެންނެވީ ކައުންސިލްގެ މެންބަރުންގެ އިތުރުން އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މެންބަރުންނާއި ކައުންސިލްގެ މުވައްޒަފުންނެވެ. މި ދަތުރުގައި ކާށިދޫ ކައުންސިލްގެ 22 މުވައްޒަފުން ބައިވެރިވެއެވެ.
މި ދަތުރުގައި ކައުންސިލާއި ބައްދަލުކޮށް ތަޖުރިބާ ޙިއްޞާކޮށްފައިވެއެވެ. އަދި ރަށުގެ މުހިންމު ތަންތަނަށް ޒިޔާރަތްކޮށްފައިވެއެވެ.
