4 ސެޕްޓެންބަރު 2024
މި އަހަރުގެ ޤައުމީ ދުވަހުގެ ދިދަނެގުމުގެ ރަސްމިއްޔާތު މިއަދު ހެނދުނު ބާއްވައިފިއެވެ. ދިދަނަންގަވައިދެއްވީ ކައުންސިލްގެ ރައީސް ޢަލީ ސަމީޙެވެ. މި ރަސްމިއްޔާތު ފެށިގެން ދިޔައީ ކީރިތި ޤުރުއާންގެ ބަރަކާތުންނެވެ. ޤުރުއާން ކިޔަވައިދިނީ ބ. އަތޮޅު މަދަރުސާގެ ދަރިވަރު ޒާރާ މުޙައްމަދު ނަޝީދެވެ.
ދިދަނެންގެވުމަށްފަހު ކައުންސިލްގެ ރައީސް ޢަލީ ސަމީޙް، ރަސްމިއްޔާތުގެ ބައިވެރިންނާ މުޚާތަބުކޮށް ވާހަކަދެއްކެވިއެވެ. ރައީސްގެ ވާހަކައިގައި ޤައުމީ ދުވަސްތައް ފާހަގަކުރުމުގެ ބޭނުމާއި މި ފަދަ ދުވަސްތަކުން ލިބިދޭ ޢިބްރަތްތަކުގެ މައްޗަށް އަލިއަޅުވައިލެއްވިއެވެ. އަދި ޕޯޗްގީޒުންގެ އަތްދަށުން ދިވެހިރާއްޖެ ސަލާމަތްކުރުމަށް ބޮޑު ތަކުރުފާނު ކުރެއްވި ޖިހާދުގެ މައްޗަށް ބައްލަވައިލެއްވިއެވެ.
މި ރަސްމިއްޔާތުގައި ރަށުގެ ހުރިހައި މުވައްސަސާތަކުގެ މުވައްޒަފުންނާއި ޢާންމުންގެ އިތުރުން ސްކޫލް ދަރިވަރުން ބައިވެރިވިއެވެ.
